ASTRA

KULTURARAKO FABRIKA SOZIALA

Astra tresna konpartitua da, inguruan duen komunitateak autogestionatzen duen espazioa. Izaera irekia du eta edonork antolatu dezake jardueraren bat Astran, edo bertako erabakietan eta kudeaketan parte hartu. Are gehiago esango dugu, jendearen parte-hartzerik gabe ezin du funtzionatu. Astraren bihotza herritar mugimendua da; norbanakoak, gazteak, sortzaileak, kultur elkarteak, gizarte eragileak… euren guztien auzolanarekin bakarrik egin dezake aurrera Astrak.

Astra eremu malgua ere bada; dibertsoa, esperimentaziora emana, egiteko modu ezberdinak sustatzen dituena, antolatzeko, pentsatzeko, sortzeko bide berriak batu nahi dituena.