Udako ASANBLADA

Irailak 30, barikue, 18:30etan udako asanblada egingo dogu Astrako lehenengo solairuan.

Zu barik ez dau!


BERRIAK
2016-07-05

ZER DA ZAD?

Frantses estatuarentzat “Zone d’Aménagement Différée” (Garatu beharreko zonaldea) da, herrian eraiki nahi duten aireporturako lur saila. Bertan bizi diren ehunka aktibistentzat, ordea, “Zone A Défendre” (Defendatzeko Gunea) da, erresistentzia eta elkar-bizitza komunitatea.

ZAD guda-zelai sutsua bilakatu da azken hamarkadan, baina aireportu baten kontrako borroka baino askoz gehiago da: kapitalismotik kanpoko bizitza eredu baten hazia da, elkartasuna eta auto-kudeaketan
oinarrituta.

HITZALDIA + FILM AURKEZPENA + AROZTEGI TAILERRA

2016-06-30
2016-06-26

Badatoz ASTRA ILUNTZEAK! Dakizuten moduan herritar bolondresen lana eta zuen harrera onari esker urtez urte jarraitzen duen ekimena da. Aurten Asunek talde feministie, Tukatukada batukada taldie, Swingtxaku dantza lagunak, Egurre gazte asanblada eta Lilibertso bertso eskolari esker burutuko dena. Eragile bakoitzak asteazken bat kudeatuko du. Ekimena lotu, jatekoa egin (Ortutik Ahora katering agroekologikoaren laguntza bolondresaz), terraza atondo, soinu teknika lanak, barra, dena ostean garbitu… Ez da lan makala eta bai eskertzekoa. Baita zuon danon presentzia eta partaidetza ere. Urte askotarako ASTRA ILUNTZEAK!

2016-06-14

Saharako errefuxiatuen kanpamentuetan proiektu desberdinak sustatzen dituen Munduaz Blai Elkartearen eskutik: ‪#‎YALAHFEST‬!

(gehiago…)

2016-06-12

Ondoren San Fidal ikastolatik heldu zaigun textua. Eskerrak zueri ere ASTRA biziz betetzearren!

San Fidel Ikastolak 2015-2017 urte bitarteetan burutuko den Erasmus + proiektua europearra lortu du. DBH 2. mailako ikasleekin garatuko dute eta partaideak Suedia, Alemania, Polonia, Frantzia eta Gernikako San Fidel Ikastola dira.

Proiektuaren izenburua “All different but all the same: being a Newropean citizen” da (“Herritar europearrak eraikitzen”).

2015eko abenduan, Estrasburgoko (Marleheim) ikastetxe batean estereotipo eta ohiturei (Gabonak) buruzko tailerretan parte hartu zuten. Martxoan, Suediara joan ziren hezkuntza sistemei buruz lan egitera. Pasadan astean 20 ikasle eta beraien irakasle atzerritarrak etorri ziren San Fidel Ikastolara. Gernikan landutako gaia “Nerabeen kexkak” izan zen eta egindako ekintzen artean musika eta dantza tailerra zegoen. Hau, leku ezin hobean burutu zen, ASTRAn hain zuzen ere.

Zeinen zorte handia den gernikarrontzat Astra bezalako leku bat edukitzea gure gazteen sormen irrikia sustatzeko!

Berri Guztiak